Poetry-HasiAwan

Poetry-HasiAwan

POETRY-HASIAWAN Poetry in Urdu اردو شاعری Urdu Shayari of Urdu poets from Pakistan and India. Read Urdu Ghazals, Urdu Nazams online and large collection of love poetry Sad Poetry · ‎Friendship Poetry · ‎Sufi Poetry https://poetry.hasiawan.com/

Breaking

Thursday, April 18, 2019

Aye Guzre Baras Bata Tujhe Bhoolon Kaise

April 18, 2019 0
Aye Guzre Baras Bata Tujhe Bhoolon Kaise

Aye Guzre Baras Bata Tujhe Bhoolon Kaise
Tere Lamhon Ne Mere Barson Ki rafaqat Cheeni


Aaj Ek Or Baras Beet Gaya Uske Bagair
Jis Ke Hote Howe Hote Thai Zamane Mere

Ek Ajnabi Ke Hath Mai Dekar Hamara Hath
Lo Sath Chorne Laga Akhir Ye Saal Bhi

Mujh se Bichar Gaya Jo Guzry Saal ki Tarha,
Is ka Bhi Haal ho ga Mere Haal ki Tarha,
Aya Nahi Wo Reh gaye Rasty Sajy huwe,
Ye Saal Bhi Guzar Gaya Her Saal ki Tarha

Na Koi Ranj Ka Lamha Kisi Ke Pas Aye
KHUDA Kare Naya Saal Sab Ko Raas Aye




Kam tere Zabt ki qeemat nahi karne walay

April 18, 2019 0
Kam tere Zabt ki qeemat nahi karne walay
Kam tere Zabt ki qeemat nahi karne walay
Hum teri ankh se hijrat nahi krne walay

Apne Nazdeek mohabat hai ibadat ki tarha
Hum ibadat ki tijarat nahi krne walay

Ye alag baat hai k izhaar nahi kar sakte
Ye na samjho mohabat nahi karne walay

Kaat kar phaink de sar chahe saja naizay par
Hum tere haath pe Baiat nahi karne walay

Hakim-e-waqt Zara apne Garebaan mein jhank
Log Bewajha Baghawat Nahi Karne Walay



Aaj To Mehfil e yaraan Pe Ho Maghroor Bohat

April 18, 2019 0
Aaj To Mehfil e yaraan Pe Ho Maghroor Bohat
Aaj To Mehfil e yaraan Pe Ho Maghroor Bohat
Jab Kabhi Toot Ke Bikhro Gay To Yaad Aaonga
Meri Khushbo Tumhe Kholegi Gulabon Ki Tarah
Tum Agar Khud Se Na Bolo Gay To Yaad Aaonga
Isi Andaz Mai Hote Thai Mukhatib Mujh Se
Khat Kisi Aur Ko Likhogay To Yaad Aaonga
Isi Judai Mai Tum Andar Se Bikhar Jaogay
Kisi Maazoor Ko Dekho Gay To Yaad Aaonga
Humne Khushiyun Ki Tarah Dukh Bhi Ikhattay Dekhe
Saf e Zeest Ko Palto Gay To yaad Aaonga
Tum Meri Ankh Ke Tewar Na Bhula Pao Gay
An Kahi Baat Ko Samjho Gay To Yaad Aaonga






Usay Khone Se Darta Tha

April 18, 2019 0
Usay Khone Se Darta Tha
Usay Khone Se Darta Tha
Usay Khone Se Darta Tha
Bohat Rone Se Darta Tha
Phir Ek Din Ye Samajh Aaya
Ke Roya Un Ko Jata Hai
Bichre Jo Muqaddar Se
Ke Khoya Unko Jata Hai
Jo Hasil Hon Muyassar Hon
Jo Danista Bichar Jaye
Usay Roya nahi Karte
Jisay Paaya Nahi Ab Tak
Usay Khoya Nahi Karte



Maa Mera Qasoor Nahi Tha

April 18, 2019 0
Maa Mera Qasoor Nahi Tha
Maa Mera Qasoor Nahi Tha
Ek Uncle Se Toffee Li Thi

Hath Mere Jo Sar Par Phera
Mai Samjhi Insan Hi Hoga

Uski Bhi Koi Beti Hogi
Shyad Mere Jaisi Hogi

Mujhko Ghar Se Door Le Aya
Usne Achanak Lehja Badla

Moo Mera Jo band Kiya To
Phir Mujhe Kuch Maloom Nahi Tha

Maa Mera Qasoor Nahi Tha
Ek Uncle Se Toffee Li Thi


Sumandar Mein Utarta Hoon Tou Aankhen Bheeg Jaati Hain

April 18, 2019 0
Sumandar Mein Utarta Hoon Tou Aankhen Bheeg Jaati Hain
Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko YaadAate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon MagarJunhi
Qadam Choukhat Pe Rakhta Hoon Tou aankhen Bheeg Jaati Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain


Name="Colorful Shading Accent 5"/>
Tere Kooche Se Ab Mera Ta’alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain